In niev liug d’accumpignament e da cumiau a Glion “Caprez, survetsch da baras” arva ensemen cun “Furger, survetsch da baras» (Furgertaxi SA) da Mustér in local da cussegliaziun e planisescha era ina stanza da bara en la tradiziun d’ina stiva da morts.
L’interpresa “Caprez, survetsch da baras”, ch’ ei dat a Cuera gie en la tiarza generaziun, porscha sia cussegliaziun da niev era en Surselva a Glion. Planisada ei da porscher ina stanza da bara che lubescha a la famiglia en malencurada da prender cumiau en in’atmosfera digna ed en tutta quietezia – sco che quei ch’ei vegneva fatg pli baul.
Accumpignament persunal
Piarder in concarstgaun carezau ei en plirs graus ina situaziun pretensiusa. En quei mument drova ei buca mo ina sepultura digna , mobein era in accumpignament empatic e fin. E precis quei ei la filosofia da “Caprez, survetsch da baras”.
Per saver sustegner ils confamigliars en quella fasa sensibla arva “Caprez, survetsch da baras” in niev local da cussagliaziun a Glion. Cheu vegn scaffiu in liug per discuors, confiert e sustegn individual – tut tenor il principi d’in accumpignament persunal e confidenzial.
La stiva da morts – ina veglia tradiziun adattada el temps d’oz
“Caprez, survetsch da baras” va in pass vinavon : planisau ei era da drizzar en ina stanza da bara dil tuttafatg speciala. Tenor la tradiziun veglia duess quei buca mo essser ina sempla stanza da bara, mobein in liug nua ch’ins sa prender cumiau en ina atmosfera caulda e confamigliara . “Il prender cumiau ei in process che drova temps. Nus lein porscher als confamigliars in liug nua ch’els san crear quei davos mument cun lur defunct tenor lur giavischs, aschia ch’ei fa bein ad els”, declara il team da “Caprez, survetsch da baras”.
Cun quella nova purschida metta “Caprez, survetsch da baras” in ferm signal per ina cultura da sepultura moderna e tuttina tradiziunala. Il local da cussegliaziun a Glion ei a naven dad immediat aviert per tut las persunas che lessan s’informar sur l’accumpignament en temps da malencurada e sur las differentas pusseivladads da sepultura . La stanza da bara el stil d’ina stiva da morts vegn realisada sche pusseivel ils proxims meins. Actualmein ei “Caprez, survetsch da baras” a la tscherca d’ina stanza adattada che duei possibiitar in liug dign , nua ch’il prender cumiau d’ina persuna carezada daventa ina part da la veta.
Collavuraziun cun “Furger, survetsch da baras»
Per saver porscher quella nova fuorma da accumpignament a tontas persunas sco pusseivel en Surselva, vegn “Caprez, survetsch da baras” a menar quella nova filiala a Glion ensemen cun “Furger, survetsch da baras” da Mustér. Il local da cussegliaziun e la stanza da bara planisada stattan pia era a dispoiziun a la clientella da “Furger, survetsch da baras” . El center da la collavuraziun duei star in dign e persunal accumpignament da las famiglias en malencurada.
Caprez, survetsch da baras, Furger, survetsch da baras
Städtlistrasse 2a
7130 Ilanz/Glion
Termins mo sin damonda
